يحكي أن رجلا وجد الفانوس السحري وبعد أ ن مسح عليه خرج له الجني وقال
له: شبيك لبيك ... اطلب وانمنى ؟
قال الرجل: الله الله مارد المصباح يا حلاااااوي
الجني: صباح الهبل وصباح الاستهبال,,, انت ياعم خلص وانجز قول عايز ايه
الراجل: بص بقى انا عايز ثلاث أمنيات عايز آ...
قال الجني: حيلك حيلك ياحج .. انت من اولها كده طماع،، هي امنية واحدة وبس
فكر الرجل ثم أخرج من جيبه خارطة العالم وأشار على جميع البلاد بالخريطة
وقال للجني: بص بقى.. انا عايز السلام يعم المنطقة دي والبلدان دي تتصالح والعرب يحبوا بعضهم وأمريكا تنشر السلام بدل الحرب والعالم كله يحب أمريكا وأن يعم السلام العالم كله وينتهي الحصار الموجود في كل دول العالم ويعيش العالم كله في سلام تام
نظر الجني إلى الخريطة بتفكير عميق وقال: ياعم انت هو في ايه .. انا من الف الف سنة لما دخلت الفانوس ده والمنطقة دي كلها حروب والشعوب بتكره بعضها ،،، لا لا لا شوفلك امنية غير دي .. انتا بتطلب المستحيل شوفلك امنية غيرها وانا احققهالك
الراجل قعد يفكر وفجأة نط وقال:اوكي اوكي ،، طيب بص ياعم المارد أنا بدور على أمرأة تعجبني عشان اتجوزها ودي احسن فرصة عشان تحققلي امنيتي ، شوف بقى ياحلو انا عايز امرأة جميلة بس ماتكونش مغرورة ،وياعيني عالبساطة، انا عايزها بسيطة وماتحبش المناظر والموضة ، امممم عايزها كمان ماتتكلمش كتير، تتكلم شوية ماشي وياريت الكلام يكون في موضوع مفيد ، الله على الابتسامة،، انا عايزها بشوشة وماتعرفش النكد والكلام اللي ممنهوش فايدة ، عايزها تحب أمي زي ماهي بتحب أمها ، وبما ان الجمال شيء مهم فأنا عايزها أنيقة بس ماتكونش مسرفة ، عايزها تكره الأغاني و
المسلسلات ، وعايزها كمان،،،
هنا الجني قاطع الرجل بسرعه وقال له بصوت عالي : ياعم هات الخريطة ابص عليها تاني